«مش مدركين قيمته.. سابق عصره».. محمد عبدالله يكشف موهبة استثنائية في الزمالك

كشف محمد عبدالله، نجم الزمالك السابق، عن موهبة استثنائية داخل قطاع الناشئين بالقلعة البيضاء، مؤكدًا أنه يستحق اللعب مع الفريق الأول.

وقال محمد عبدالله، في تصريحات تلفزيونية عبر فضائية «الزمالك»: «في لاعب عندنا، بقول للناس اللي موجودة تحت في قطاع الناشئين، انتوا مدركين قيمة اللاعب ده! اسمه الحصري، بيلعب هاف رايت، نوعية مختلفة لكن هو عايز معاملة خاصة».

وأضاف: «الحصري، حتة لعيب محصلش، كلمت عبدالواحد السيد، (مدير الكرة السابق بالزمالك)، عاشن يتصعد، اللاعب ملتزم دينيًا، عايز زقة، لازمة زقة».

وتابع: «الحصري ده، أقوى جيله وسابق عصره، حريف أوي، لاعب مش طبيعي»، مضيفًا: «جوميز (المدير الفني السابق للزمالك)، كان عامل ماتش ودي مع فريق 2005 واختاره يتصعد مع الفريق الأول».

وأتم: «لازم نهتم باللاعب ده، هو أفضل من لاعبين كثيرين يتفاوض معهم نادي الزمالك».