«بتجيب الراجل اللي حوّلنا للنيابة».. مصطفى يونس يكشف واقعة مثيرة مع الخطيب بشأن طاهر أبوزيد

كشف مصطفى يونس، نجم الأهلي السابق، واقعة مثيرة مع محمود الخطيب، رئيس القلعة الحمراء، بشأن طاهر أبوزيد، نجم الكرة المصرية السابق.

وقال مصطفى يونس، في فيديو عبر منصة «يوتيوب»: «بعد نجاح محمود الخطيب، في انتخابات رئاسة الأهلي في الدورة الأولى، عملت عزومة عشاء للمجموعة بتاعتنا».

وأضاف: «كان في خلاف بين طاهر أبوزيد ومجلس إدارة الأهلي لأنه حولهم للنيابة وهو وزير، وما قاله طاهر أبوزيد، وقتها كان بناء على مستندات مقدمة له من الجهات المعنية».

وتابع: «لما جيت أعزم مجلس إدارة الأهلي وقولت هعزم طاهر أبوزيد، عشان نصلح الأمور، الكابتن الخطيب قالي (يا مصطفى بتجيب الراجل اللي كان عايز يحولنا على النيابة يجي يتعشى معانا !)، قولتله (إيه المشكلة احنا عايزين نصلح الأمور وننهى الخلافات وياريتكم كنتوا روحتوا النيابة وخدتوا برائة ويطلع هو غلط)، دي كانت بداية الخلافات مع الخطيب.