«بعد تهربه من الظهور معها».. سهام صالح تشن هجوما ناريًا على عصام الحضري: كله عارف تاريخك

انتقدت الإعلامية سهام صالح، عدم ظهور عصام الحضري حارس مرمى منتخب مصر السابق، بحلقة (الأحد)، ببرنامج «الكلاسيكو»، المذاع على قناة «أون».

وقالت سهام في تصريحات إعلامية ببرنامج «الكلاسيكو»: «كان المفروض كابتن عصام يكون ضيفي، وكنا هنتكلم عن موضوع مهم جدا، وهو هروب اللاعبين من الأندية».

وأضافت: «أنا ذاكرت تاريخ كابتن عصام الحضري، وطبعا كلكم عارفين تاريخه، وكله عارف الطريقة اللي رحل بيها عن بعض الأندية هنا في مصر، وكله فاكر كلام كابتن مانويل جوزيه عنه، إنه لا يصلح يكون قائد».

وتابعت: «من الساعة سبعة ونص بالليل وإحنا بنحاول نكلمه ولكن مش فايدة، مع إنه كان عارف وشايف البرومو من خمس أيام، ولكن لعل المانع خير يا كابتن عصام».

وختمت: «أول مرة أعرف حاجة اسمها التهرب من البرامج الفضائية».