بين «الجراكن والفناطيس».. أهالى «ديمشلت» بالدقهلية يواجهون العطش

كانت الساعة تشير إلى الثالثة فجراً، الصمت يخيم على أرجاء قرية ديمشلت التابعة لمركز دكرنس بالدقهلية، لكن البيوت ليست نائمة، أصوات ارتطام الأوانى البلاستيكية والجراكن تعلو فى المنازل باعتبارها طقسًا يوميًا يعيشه أهالى القرية مع كل صيف فى انتظار قطرات من المياه صالحة للشرب والاستخدام لكن دون جدوى، ما يضطرهم يوميا للذهاب مسافات بعيدة حاملين الأوانى لشراء المياه من القرى المجاورة.فايزة على 50 عاماً، ربة منزل من القرية، قالت لـ«المصرى اليوم»: «حياتنا اتشقلبت، الصيف بيتحول لكابوس، طول النهار والليل الماية قاطعة، ومبنقدرش نطبخ ولا نغسل مواعين ولا نلبى طلبات عيالنا، بنضطر نقطع مسافات بعيدة يوميا عشان نملى كام جركن وخزان يسندونا بقية اليوم، السهر هد حيلنا وفواتير الماية بندفعها بانتظام من غير ما نشوفها».أحمد إبراهيم، شاب من سكان القرية، قال: «ديمشلت بتستغيث، بعتنا شكاوى لكل المسؤولين، القرية فيها أكتر من 30 ألف نسمة والشبكة متهالكة ومبتستحملش الضغط».محمد حسن، أحد السكان، أشار إلى أن أزمة المياه كل صيف متجددة من سنين وأضاف: «مبنلاقيش من أى مسؤول حل، المياه طول شهور الصيف مقطوعة عننا بشكل كامل، بس المحصل بيجيلنا بانتظام وفاتورة المياه بتزيد مش بتقل، ومافيش مياه؟ إحنا بنسمع وعود من سنين إن الشبكة هتتجدد، وكل صيف بنكتشف إنها كانت وعود على ورق».سامى السيد، أحد سكان القرية، قال: «مش معقول نكون فى 2026 وبنأجر خزانات مياه باليوم عشان نشرب منه، ونملأ الخزان الواحد ب 200 جنيه فى اليوم، ومع ذلك يأتى محصلو المياه للقرية، ونقوم بدفع فواتير الاشتراك، ولا يوجد استهلاك بسبب انقطاع المياه».من جانبه، أكد المهندس ناصر الصيوى، رئيس قطاع مياه الشرب…