«لمة المصيف».. لعبة من وحي «الثمانينيات»

طاولة خشبية فى شرفة شقة مصيف، ولمبة صفراء تلقى ضوءا على مكان جلوس العائلة، بينما تتناثر كروت اللعب بين ضحكات الكبار وحماس الصغار، كانت هذه اللمة جزءًا ثابتًا من إجازات الصيف لسنوات طويلة، قبل أن تسرق الشاشات جزءًا كبيرًا من تلك اللحظات، ومن هذه الذكريات استلهما مى الجابرى وفاطمة إبراهيم مشروعًا لتصميم ألعاب كروت مستوحاة من تفاصيل الحياة المصرية، وأطلقتا عليه اسم «لمة المصيف»، فى محاولة لإعادة العائلات والأصدقاء إلى الجلوس معًا وصناعة ذكريات جديدة بعيدًا عن الهواتف.جمعت بين مى وفاطمة صداقة امتدت لنحو 25 عامًا، وتقاسمتا شغفًا بدعم الأجيال الجديدة، ما دفعهما لإطلاق مشروع بدأت أولى خطواته فى 2018 لتصميم ألعاب ورقية مستوحاة من ألعاب الثمانينيات، وتولّت مى كتابة المحتوى وتطوير الأفكار، بينما تخصصت فاطمة فى جزء التصميم.وقالت مى لـ«المصرى اليوم»: «إحنا دايمًا حاسين إن عندنا مسؤولية تجاه الأجيال الحالية.. إحنا جيل الثمانينيات، ويمكن آخر جيل عاش الحياة قبل السوشيال ميديا.. كنا بنستنى يوم الجمعة عشان نتجمع مع العيلة، ومكنش فى موبايلات تشغل كل واحد عن التانى، كان فى كلام وضحك وأنشطة كتير، وكل الناس كانت حاضرة مع بعض».رأت أن الأجيال الجديدة لم تعش هذه التفاصيل: «تحديدًا جيل أواخر التسعينيات، مشافوش اللى إحنا شفناه، ولا حسوا بقيمة اللمة الحقيقية.. كل واحد دلوقتى ماسك موبايله حتى وهو وسط أصحابه، ومن هنا بدأت الفكرة إننا نحاول نرجع اللمة اللى كبرنا عليها.. ويكون عند الجيل ده ذكريات يفتكروها بعد سنين زى ما إحنا لحد النهارده بنفتكر ذكرياتنا».أول لعبة قدمتاها كانت باسم «ست الكل»: «لعبة هدفها إظهار شخصية الأم المصرية، والحاجات اللى اتربينا عليها من وإحنا صغيرين، وكل كروت اللعبة كانت…