«عشان يرجعلي».. أقوال ابنة حسام حسن تكشف كواليس مطاردة خطيبها السابق لها: «بلاقيه فى كل مكان وبيشتم» (خاص)

بعد يومين، تستكمل محكمة استئناف الأسرة فى التجمع الخامس، نظر الاستئناف المقدم من يارا حسام حسن، ابنة المدير الفنى لمنتخب مصر، على الحكم الصادر بإلزامها برد الشبكة إلى خطيبها السابق رجل الأعمال أحمد راشد، حيث قضت محكمة أول درجة برد المشغولات الذهبية التى تقدر قيمتها بنحو 3 ملايين و650 ألف جنيه، بالإضافة إلى 41 ألفًا و500 دولار. النص الكامل لأقوال يارا حسام حسن فى تحقيقات النيابة العامة عن خطيبها السابق «يارا»، بدورها كان حررت المحضر رقم 1320 لسنة 2026 إدارى التجمع الخامس، حيث استمعت النيابة العامة لأقوالها حول اتهامها بخطيبها السابق بملاحقتها ومضايقتها «عشان يرجعلي»، وحين قابلت الطلب بالرفض، كما تقولفى التحقيقات التى حصلت «المصرى اليوم» على نسخة منها، «بلاقيه بيجى الأماكن اللى أنا موجودة فيها، ويجى يعلى صوته وساعات بيشتم»، ولم يكتفِ بذلك، تضيف: "لقيته مسك إيدى وفضل يزعق ويشتم ويقولى أنا هطلع (...)، ولما مسك إيدى أنا زقيته وقلتلوا سيبنى ولو ممشيتش أنا هكلم والدي".. وإلى النص الكامل لأقوالها:س: ما تفصيلات شكواك تحديدًا؟ج: قالت: «اللى حصل أن أنا كنت مخطوبة للمدعو (أحمد) من تاريخ 2024/7/2 وفضلنا مخطوبين من ساعتها لحد ما حصل بيننا خلافات زى أى اتنين مخطوبين، وفسخنا الخطوبة فى 2025/8 ومن ساعة ما فسخنا الخطوبة ومن بعدها هو كان كل شوية عمال يضغط عشان يرجعلى، وترجع الخطوبة بتاعتناها تانى وكان الكلام ده بيحصل من خلال صحابه إنى بلاقيهم يجيوا يتكلموا معايا ومرة والده اتكلم طلب بردو إننا نرجع تانى، وأنا كنت رافضة الموضوع تمامًا وخلاص معنديش رغبة إنى أكمل فمن بعدها وبسبب إنه عارف الأماكن اللى بكون موجودة فيها كان من بعدما فسخنا على طول بلاقيه بيجى الأماكن اللى أنا موجودة فيها».وأضافت: «وبيجى يعلى صوته وساعات بيشتم وكل ده عشان عايزنى أرجعه، وأنا مش راضية لحد يوم 2026/1/19 أنا يومها كان عندى شغل وكنت رايحة من بيتى فى الرحاب لحد مول «ليك تاون» اللى فيه مكان شغلى، ولما نزلت للعربية من تحت بيتى، وأنا ماشية لاحظت ولقيت عربيته وأخدت بالى منه ولقيته ماشى ورايا لحد ما وصلت عند مكان شغلى، ووقفت ونزلت من العربية لقيته دخل ركن جنبى على طول ونزل من عربيته، وجاللى وقال لى تعالى نتكلم وكان عايزنى أركب العربية، وأنا مديتش العربية فرصة وكنت عايزة أمشى وأطلع شغلى ولما مرضيتش هو اتعصب، ولقيته مسك إيدى وفضل يزعق ويشتم ويقولى أنا هطلع (...)، ولما مسك إيدى أنا زقيته وقلتلوا سيبنى ولو ممشيتش أنا هكلم والدى فساعتها قاللى (ده إنتى...) وقومت راكبة العربية تانى، وقفلته الباب وبعدها عملت نفسى بكلم والدى عشان يخاف، ويمشى وهو ساعتها أخد عربيته ومشى وده كل اللى حصل».س: متى وأين حدث ذلك؟ج: الكلام ده حصل يوم 2026/1/19 حوالى الساعة 1:00 مساءً - أمام مول ليك تاون - التجمع الخامس - القاهرة.س: ومن كان برفقتك آنذاك؟ج: أنا كنت لوحدى.س: وأمام من حدث ذلك تحديدًا؟ج: لا مكنش فيه حد أعرفه واقف.س: وما هى طبيعة الصلة فيما بينك وبين المشكو فى حقه (أحمد) تحديدًا؟ج: هو كان خطيبى وفسخنا الخطوبة.س: ومنذ متى وأنت على صلة بالمشكو فى حقه سالف الذكر تحديدًا؟ج: أنا أعرفه من شهر 3 سنة 2024 وقرينا فاتحة فى شهر 4 لسنة 2024 وتخطبنا فى شهر 7 لسنة 2024.س: وما هى بادرة حدوث الواقعة تحديدًا؟ج: هو الموضوع ابتدى معاه بعد ما سيبنا بعض وفسخنا الخطوبة فى شهر 2025/8، وكان من بعدها كل شوية عمال يضغط عشان يرجعلى ونرجع الخطوبة بتاعتنا تانى وكان الكلام ده بيحصل من خلال صحابه إنى بلاقيهم يجيوا يتكلموا معايا ومرة والده اتكلم طلب بردو إننا نرجع تانى، وأنا كنت رافضة الموضوع تمامًا، وخلاص معنديش رغبة إنى أكمل.س: وما التصرف الذى بدر من سالف الذكر عقب ذلك تحديدًا؟ج: هو بعد ما حاول يرجعلى وأنا مكنتش راضية من بعدها كل شوية يجيلى فى مكان أنا قاعدة فيه أو خارجة فيه بحكم إنه عارف أنا بتخرج فين، وبيعمل مشكلة ويعلى صوته وكدة لحد يوم الواقعة.س: وما هى الأماكن التى قام سالف الذكر بالتعرض لكى فيها تحديدًا؟ج: هو بعد ما فسخت الخطوبة روحت الساحل الشمالى وهناك جالى كذا مرة فى أماكن مختلفة، وعمل مشاكل وعلى صوته وصحابه مشيوه.س: أقمتى بتحرير ثمة محاضر بشأن تلك الوقائع؟ج: لا أنا ساعتها خليت والدتى كلمت والده، وهو قال إنه هيبطل يرخم وييجى يتعرضلى وكدة ومرديتش أعمل محاضر، لأننا الأول حاولنا نحل موضوع ودى مع أهله بس هو فضل يجى ويعمل مشاكل وفضائح.س: وما هى بادرة حدوث الواقعة محل التحقيق تحديدًا؟ج: يوم 2026/1/19 أنا يومها كان عندى شغل وكنت رايحة من بيتى فى الرحاب لحد مول «ليك تاون» اللى فيه مكان شغلى ولما نزلت للعربية من تحت بيتى وأنا ماشية فى الطريق لاحظت ولقيت عربيته وأخدت بالى منه ولقيته ماشى ورايا لحد ما وصلت عند مكان شغلى، ووقفت ونزلت من العربية لقيته دخل ركن جنبى على طول ونزل من عربيته وجاللى وقال لى تعالى نتكلم، وكان عايزنى أركب العربية وأنا مديتش العربية فرصة وكنت عايزة أمشى وأطلع شغلى ولما مرضيتش هو اتعصب، ولقيته مسك إيدى وفضل يزعق ويشتم ويقولى أنا هطلع (...) ولما مسك إيدى أنا زقيته وقلتلوا سيبنى، ولو ممشيتش أنا هكلم والدى فساعتها قاللى (دا إنتى...) وقومت راكبة العربية تانى، وقفلته الباب وبعدها عملت نفسى بكلم والدى عشان يخاف ويمشى وهو ساعتها أخد عربيته ومشى.س: وما هى بادرة مقابلك مع سالف الذكر تحديدًا؟ج: أنا مكنتش قابلته أنا كنت راكبة العربية، ورايحة فى الطريق لشغلى وساعتها أخدت بالى من عربيته أنها ماشية فى نفس الطريق اللى أنا ماشية فيه.س: وكيف وقفتى على شخص المشكو فى حقه آنذاك؟ج: لأنى عارفة عربيته وشوفته راكبها.س: وما هى بيانات السيارة الخاصة بالمشكو فى حقه والتى أبصرتيها آنذاك؟ج: هى مرسيدس «جى كلاس» رمادى اللون وتحمل لوحات رقم ( ج ب ل / 666 ).س: وما التصرف الذى بدر منك عقب أن تلاحظ لكى ذلك تحديدًا؟ج: أنا بعد ما شفت عربيته حسيت أن هو هييجى تحت مكان شغلى ويعمل مشكلة فا ساعتها كلمت مدير مول «ليك تاون» واسمه محمد حمزة وقلتلوا أن «أحمد» بيَمشى فى نفس طريقى وحاسة، إنه هييجى يعمل مشكلة فمش عايزاه ييجى يعمل حاجة وطلبت منه أنه لو حاول يدخل المول اللى أنا شغالة فيه يخلى الأمن ميدخلش.س: ومن هو الشخص الذى قمت بالاتصال به آنذاك؟ج: هو اسمه محمد حمزة وهو مدير فى شركة «ليك فيو».س: وما هى بيانات سالف الذكر على وجه التحديد؟ج: أنا معرفش غير أن اسمه محمد حمزة ورقم تليفونه (..).س: وما الذى دعاك لهاتفة سالف الذكر تحديدًا آنذاك؟ج: انا كلمتوا عشان هو مدير فى شركة «ليك فيو»، وأنا أعرفه وكنت خايفة «أحمد» يطلع ورايا لحد المكتب بتاعى، ويعمل مشكلة جوة شغلى فا كنت عايزه يخلى الأمن ميتعرضليش لو حاول يدخل ورايا المبنى.س: أقام المشكو فى حقه بالتعرض عليك حال توجهك للمكان محل عملك؟ج: لا هو متعرضليش وأنا فى الطريق هو انعرضلى لما وصلت.س: وما الذى حدث حال وصولك للمكان محل حدوث الواقعة تحديدًا؟ج: أنا لما وصلت عند مكان شغلى ووقفت ونزلت من العربية لقيته دخل ركن جنبى علطول ونزل من عربيته وجاللى.س: وما هو الحوار الذى دار بينك وبين المشكو فى حقه سالف الذكر تحديدًا؟ج: هو لما جاللى قال لى تعالى نتكلم وكان عايزنى أركب العربية، وأنا مديتش وكنت عايزة أمشى وأطلع شغلى ولما مرضيتش هو اتعصب ولقيته أتعرضلى.س: وما هى الأفعال المادية التى آتاها سالف الذكر تجاهك تحديدًا آنذاك؟ج: هو جالى ومسك إيدى وقال لى أنا عايزك عشان يتكلم وأنا قلتلوا سيب إيدى.س: وما التصرف الذى بدر منك عقب إتيانه لذلك تحديدًا؟ج: أنا زقيته عشان يسيب إيدى.س: وما قصد سالف الذكر من جراء ما آتاه تحديدًا آنذاك؟ج: قصده يتعرضلى ودى مش أول مرة يعملها.س: وما الذى حدث عقب ذلك تحديدًا؟ج: بعد ما زقيته هو فضل يزعق ويشتم.س: وما مضمون العبارات التى قام سالف الذكر بالتعدى عليكى بالقول من خلالها آنذاك؟ج: هو شتمنى وقال لى أنا هطلع (..) وقال لى دا إنتى (...).س: وأمام من حدث ذلك تحديدًا؟ج: لا مكنش فيه حد واقف غير بتوع الفاليه اللى فى المكان وأنا معرفمش.س: وما الذى حدث عقب ذلك؟ج: لما فضل يزعق ويشتم ويقولى أنا هطلع (...) ولما مسك إيدى أنا زقيته وقلتلوا سيبنى ولو ممشيتش أنا هكلم والدى فساعتها قاللى (دا إنتى..) وقومت راكبة العربية تانى وقفلته الباب وبعدها عملت نفسى بكلم والدى عشان يخاف ويمشى وهو ساعتها أخد عربيته ومشى.س: وما سبب قيام المشكو فى حقه بذلك تحديدًا؟ج: لأن هو عايز يرجعلى وأنا مش راضية.س: وما قصد المشكو فى حقه من أفعاله؟ج: هو قصده من اللى عمله أنه يتعرضلى ويتعدى على بالسب والشتم والقذف.س: أكان ذلك التعرض بالقول والفعل بقصد الحصول منك على ثمة منفعة جنسية آنذاك؟ج: لا، هو عمل كدة عشان عايز يرجعلى وانا مش راضية.س: ومما تضررى من المشكو فى حقه على وجه التحديد؟ج: انا بتضرر منه أنه انعرضلى بالفعل والقول والتعدى على بالسب والشتم والقذف.س: وما هى بيانات المشكو فى حقه على وجه التحديد؟ج: هو اسمه «أحمد» مقيم فى التجمع الخامس.س: هل لديكى أقوال اخرى؟ج: لا، (تمت أقوالها).