والدة «ضحية زوجها» فى دمياط: «أشعل النيران فيها وهى نايمة»

4 سنوات كانت مدة زواج صباح رمضان، صاحبة الـ26 عامًا، إذ تزوجت من شخص ميسور الحال بمدينة ميت الخولى التابعة لمركز الزرقا محافظة دمياط، لكن ما كان يعيبه تطاوله المستمر عليها باليد وإحداث إصابتها، وسبق وأن أصابها بجرح قطعى فى الرأس، ومرات عديدة بكدمات بمختلف أنحاء الجسم، وفى كل مرة كانت تتحمله من أجل تربية الأبناء، لكن المرة الأخيرة كان أكثر عنفًا عندما أشعل النيران فيها وأغلق باب الشقة وترك ألسنة اللهب تلتهم جسدها حتى فقدت الوعى ورقدت بغرفة العناية المركزة بين الحياة والموت، ولفظت أنفاسها مساء أمس داخل مستشفى الأعصر بدمياط.انتقلت النيابة إلى المستشفى بعد تلقيها إخطارًا بوفاة الضحية، وتم التقابل مع الطبيب المعالج الذى أكد بأنهم عندما استقبلوها كانت حالتها خطرة نظرًا لأن الحروق من الدرجة الثالثة، والتهمت أجهزة الجسم، وحاولوا إسعافها لكنها لم تستجب، وقررت النيابة انتداب الطبيب الشرعى والتصريح بدفنها عقب انتهائه من أعماله.والدتها استقبلت خبر وفاتها من المستشفى بالصراخ، وظلت تردد «بنتى راحت مني»، وقالت لـ«المصرى اليوم»: «بنتى لسه صغيرة واستحملت إهانة وضرب علشان تكمل حياتها»، واستطردت كلامها: «4 سنين مشفتش يوم حلو، اعتدى عليها بالضرب كتير لدرجة إنه فتح دماغها، فى كل مرة كانت بتقول معلش عشان ولادى، لحد ما حصل اللى حصل».وتابعت: «الطبيب المعالج قالى ادعولها دى داخلة المستشفى بحروق 70%»، ده قلبه كان حجر عليها، أشعل النيران فيها وهى نايمة وقفل الشقة عليها من بره عشان محدش ينقذها، وحسبى الله ونعم الوكيل فيه، أنا مش عايزة غير حق بنتى وإنه يتحاسب بالقانون».بينما قالت شقيقة الضحية: «عمرها ما اشتكت منه، دايمًا بتقول معلش عشان ولادى، متوقعناش يوصل الأمر للحد ده، وعرفنا إن فيه حريق فى شقة أختى، وروحنا نطمن، سمعنا صوتها بتصرخ والباب مقفول من بره، ومحدش موجود معاها داخل الشقة».استكملت الحديث قائلة: «مفيش مبرر عما فعله غير إنه راجل ظالم، إزاى يعمل فيها كده؟ ذنبها إيه أختى عشان تتعذب بالشكل ده، دى صبرت على كل حاجة وحشة، وللأسف دفعت التمن».قررت النيابة العامة حبس المتهم، ويدعى «أحمد -أ»، 4 أيام على ذمة التحقيقات، كما طلبت النيابة العامة أيضًا تقرير الطب الشرعى لاستبيان نوع المادة المستخدمة فى الواقعة وكشف أسبابها، إضافة إلى استكمال الإجراءات المطلوبة.