«مش بيعرفوا يلعبوا كورة أساسًا».. شوبير عن الكرة النسائية في مصر

انتقد أحمد شوبير حارس مرمى الأهلي ومنتخب مصر السابق مستوى الكرة النسائية في مصر في ظل نتائج الفرق والمنتخبات المصرية على صعيد اللعبة.وقال أحمد شوبير في تصريحات إذاعية اليوم الثلاثاء: "إمبارح قرأت خبرا عن معاقبة المسؤولين عن الكرة النسائية في الزمالك وقالل لك عقوبات قاسية، والعقوبات القاسية دي مجموعها 15 ألف جنيه، واكتشفت إن الزمالك كان مدي إدارة الكرة النسائية لحد وكانوا متفقين معاه على هدف معين، فالزمالك اتخض بعد ما خسر 4 في أول مباراة من بالم هيلز ثم خسر بعدها 6 من النادي الأهلي، طيب هو حضرتك ما تابعتش ليه!".وأوضح شوبير: "هو طبعا لازم الكرة النسائية في الأندية وفقا لشروط الاتحاد الافريقي للمشاركة في البطولات الافريقية، ومن هنا اضطر الأهلي والزمالك يبقى عندهم كرة نسائية، وأحسن فرقة في مصر بتلعب كرة نسائية هى مسار عشان ماشين بنظام وخطة وبعدها الأهلي، والزمالك السنة اللي فاتت كانت أحسن كثير من السنة دي، لكنه أدى الكرة النسائية لشركة فبوظت الدنيا تماما".وأضاف شوبير: "الكرة النسائية عندنا في مصر بعافية، مبيعرفوش يلعبوا كورة واللي زعلان من كلامي يروحوا يشوف بطولة أفريقيا اللي شاركنا فيها رجعنا بـ 15 جون مرزوعين 6 في 6 في 3، ومش من فرق قوية قوي يعني ده حتى زامبيا اللي أدتنا 6 خرجت معانا من الدور الأول".وتابع شوبير: "الكرة النسائية عندنا بعافية وبدايتها من الأول كانت غلط أساسا، ودلوقتي بدأوا يشتغلوا من تحت ويجيبوا بنات صغيرة وربنا يوفق، وإحنا محتاجين سنيين ضوئية عشان ننجح".واختتم شوبير: "مسار عاملين مشروع هو ده مشروعهم وشادي محمد عامل شغل كويس في الأهلي، والأهلي كان جاب مدرب أجنبي ولا له أي لازمة، والزمالك قرر الاستغناء عن الشركة المسؤولة، وقال هيصلحوا المسار مش عارف هيصلحوا ازاي يعني، هى أساسا القصة من بدايتها مش مظبطة".