إيمان تصنع بدائل خالية من السكر والجلوتين دون حرمان

بين رائحة المخبوزات الطازجة ومذاق الحلويات التى اعتاد الناس تناولها، يضطر بعض الأشخاص إلى الابتعاد عنها أو البحث عن بدائل تناسب احتياجاتهم الغذائية، وهو ما لفت انتباه المهندسة إيمان بحيرى التى وجدت فى هذا المجال مساحة تجمع بين حبها للخبز والحلويات وتجربتها فى إعداد وصفات مختلفة، لتبدأ مشروعها الخاص، قبل أن تترك عملها فى الهندسة وتتجه إلى مجال صناعة الحلويات والمخبوزات ببدائل للسكر والجلوتين، وذلك لتثبت أن اختلاف الاحتياجات الغذائية لا يعنى الحرمان من الحلوى.بينما اعتادت الحلويات أن تكون جزءًا من تفاصيل الحياة اليومية، اختارت «إيمان» أن تنظر إليها من زاوية مختلفة، لتبدأ تجربة خاصة بها فى هذا المجال، قائلة لـ«المصرى اليوم»: «مشروعى متخصص فى تقديم الحلويات والمخبوزات ببدائل مختلفة للسكر والجلوتين، وبحاول من خلاله أوفر اختيارات مناسبة للأشخاص اللى بيحتاجوا يقللوا السكر، وأصحاب مرضى السكرى من غير ما يضطروا يستغنوا عن الحلويات اللى بيحبوها».وتابعت: «غير أن المنتجات الخالية من الجلوتين ممكن أى حد يأكلها، لكن اللى عندهم حساسية من الجلوتين ممنوع يستخدموا الدقيق العادى، فكنت بعمل حسابى على ده، وبستخدم بدائل عشان مايتعبوش». وبين شغفها بالخبز والحلويات، ومحاولة تقديم بدائل تناسب احتياجات غذائية مختلفة، بدأت «إيمان» مشروعها، موضحة: «لما ابتديت أنزل بازارات من ٣ سنين وأتعامل مع الناس أكتر، كانوا بيسألونى المنتجات جلوتين فرى، فى الأول كنت بقول لأ، لأن مشروعى اللى أسسته جنب شغلى بالهندسة كان شوجر فرى، بسبب معاناتى من الحلويات الجاهزة، اللى سكرها كان كتير عليا وبيتعبنى، فكنت بحب أعملها بنفسى وأقلله براحتي».وكان هذا السؤال بداية بحثها عن بدائل خالية من الجلوتين، موضحة: «قعدت أدور على أنواع الدقيق والبدائل اللى مفهاش جلوتين ووصفات من مواقع أجنبية، لحد ما فكرت أعمل اختبار لنوع واحد وأفصله عن باقى شغلى، وفعلاً عملت أول كيك ليا جلوتن فرى وشوجر فرى، والناس حبيته جدًا، وده شجعنى أدور وأعمل أنواع تانية أكتر من الكيك جلوتين فري».ومن هنا، اتجهت «إيمان» إلى تطوير قائمة خاصة بالحلويات الخالية من الجلوتين، قائلة: «أنا كان هدفى إن محدش يحس إنه ناقصه حاجة بصراحة، مش معنى إن عندى مشكلة صحية إنى أتحرم من حاجة بحبها، بالعكس دايمًا فى بدائل كتير، بحيث إن اللى عنده سكرى أو أى مشكلة صحيه ياكل زى الشخص العادى بنفس الكمية وميأثرش عليهم هما الاثنين».