«أمل» تحوّل الملابس القديمة إلى دباديب وأغطية بطاطين

فى هدوء الدواليب، تستقر قطع ملابس تحمل بين طياتها حكايات أصحابها وذكرياتهم، من ألوان وتفاصيل ارتبطت بسنوات مضت وأشخاص تركوا أثرًا لا يمحوه الزمن، وبينما تتغير الحياة وتتبدل تفاصيلها، تظل بعض القطع محتفظة بقيمتها العاطفية، وهو ما دفع أمل رضا إلى ابتكار طريقة مختلفة للحفاظ على هذه الذكريات، عبر تحويل الملابس القديمة إلى دُمى على شكل دباديب وأغطية للبطاطين، تمنح أصحابها فرصة للاحتفاظ بقطع تحمل مكانة خاصة فى قلوبهم، بدلًا من بقائها حبيسة الأدراج والدواليب.«مش مجرد مشروع خياطة، لكنه جمع بين حبى للتفاصيل ورغبتى فى الاحتفاظ بالذكريات»، بهذه الكلمات وصفت أمل فكرتها لـ«المصرى اليوم»، موضحة أن بعض الملابس تتجاوز قيمتها مجرد كونها قطعًا تُرتدى، لتصبح مرتبطة بأشخاص وأوقات يصعب نسيانها.وقالت: «فى قطع قيمتها أكبر بكتير من مجرد هدوم لشخص فقدناه، أو تيشيرت كان شخص بنحبه بيلبسه، أو ملابس لطفل صغير وأهله لسه متعلقين بذكريات عمره. أنا بحاول أحولها لحاجة تفضل موجودة قدام صاحبها، ويقدر يلمسها ويحتضنها، بدل ما تفضل متخزنة فى الدولاب».ولأن كل قطعة ملابس تحمل ذكرى مختلفة، اختارت «أمل» أن تمنحها شكلًا جديدًا يحتفظ بقيمتها العاطفية، من خلال تحويلها إلى دُمى على هيئة دباديب وأغطية للبطاطين، لتصبح الذكريات أقرب إلى أصحابها وأكثر حضورًا فى حياتهم.وأوضحت أمل: «علشان كده اخترت أعملها فى شكل دبدوب، لأنه بالنسبالى مناسب جدًا للفكرة، لأنه شيء بنحضنه، فإحنا مش بس بنحافظ على قطعة الهدوم، إحنا بنحوّل الذكرى نفسها لحاجة ممكن تتحضن، وكمان بنعمل أغطية بطاطين».وكانت قيمة الذكرى هى ما جذبها إلى الفكرة، قائلة: «أنا كنت شايفة إن الحاجة الصغيرة أو الهدوم ممكن تكون عادية جدًا لأى حد، لكن بالنسبة لصاحبها تكون آخر حاجة مرتبطة بذكرى شخص معين أو بفترة عمرية مش هتتكرر، فحسيت إن ليه منحوّلهاش لحاجة نقدر نلمسها ونحتفظ بيها».وفى يوليو ٢٠٢٦، بدأت تنفيذ مشروعها فعليًا، بعدما تركت العمل بالتمريض وأصبحت أمًا، لتبدأ رحلة جديدة مع الخياطة، قائلة: «قررت أتعلم من الصفر، واشتريت ماكينة خياطة وبدأت أعلم نفسى وأطورها وأجرب أشكال مختلفة لحد ما وصلت للشكل اللى حسيته مناسب للفكرة، ومع أول شغل حقيقى اكتشفت إن الفكرة لمست ناس كتير فاستمريت».