«امتنعت عن المشروبات وأي شيء يضر صوتها».. والدة ديما تكشف كواليس غنائها أمام الرئيس السيسي في «منتدي مصر 2026»

قبل كل بروفة كانت ديما تقف أمام والدتها بسؤال صغير: «لو شربت ده ممكن يفيد صوتي ولا لأ؟»، لم تكن تسأل عن طعم المشروب، بل عن حلم كامل يتوقف على حنجرة صغيرة قررت أن تحميها، لأنها على موعد بمسرح «منتدي مصر 2026»، وجمهور على رأسه الرئيس عبدالفتاح السيسي.هكذا بدأت تحضيرات ديما أحمد، طالبة الصف الخامس بمدرسة ليسيه الحرية في باب اللوق، لتكون واحدة من أطفال فرقة فصول تنمية المواهب بدار الأوبرا المصرية، الذين غنوا «ملناش إلا مصر» أمام الرئيس عبدالفتاح السيسي، خلال فعاليات «منتدي مصر 2026» بالعاصمة الإدارية الجديدة.تبدأ الحكاية من البيت، إذ تعيش ديما بين الألوان والخامات. تقول والدتها، شيماء المهدي: «ديما بتحب الفن بصفة عامة، لأني أنا فنانة تشكيلية ومعايا ماجستير في العلاج بالفن، وده خلاها مرتبطة بأكتر مجال في الفنون».ومن هذا البيت خرجت أولى الخطوات: «ابتديت مع ديما تدريب باليه وهي عندها 3 سنوات ونصف، وعملت أول حفلة ليها على مسرح السلام». ثم اتجهت الصغيرة إلى الصوت، فتحكي الأم: «بعد كده اتجهت للدوبلاج، واتدربت على الدوبلاج والفويس أوفر، وأخدت دبلومة فيه».ولم يكتفِ الصوت بالبقاء خلف الميكروفون، فصعدت ديما إلى المسرح: «بعد كده مثلت في مسرحية بالإنجليزي عن فيلم Encanto، وكانت بتمثل وبتغني فيها».ومن هنا أخذ الطريق منعطفه نحو الغناء، وتقول الأم: «من خلال ده اتجهت للغناء، وقدمنا في كورال الأوبرا مركز تنمية المواهب». وتتذكر يوم الاختبار بابتسامة: «الدكتور محمد عبد الستار لما امتحنها كان مبسوط منها جدًا، وأخدها في الكورال».وبعد فترة من التدريب، جاء الاختيار الأهم، إذ اختار الدكتور محمد عبدالستار والدكتور وليد مدير الأوبرا «ديما» للمشاركة في عرض فعالية «منتدي مصر 2026».حين ظهر اسمها بين المشاركين، كانت ديما، بحسب والدتها، «طايرة من الفرحة»، سعيدة بأنها ستقف في مكان رائع كهذا، وتقابل الرئيس لكن الفرحة اختلطت بقليل من القلق، فكانت تخشى ألا تكون على قدر المسؤولية، وتقول الأم: «كنت طول الوقت أشجعها وأقولها أنا واثقة فيكي جدًا».أما كواليس التحضير: «كانت بتحضر البروفات وملتزمة بيها وبتتدرب في البيت بعد ما بترجع». ومن هنا ظهرت قائمة الممنوعات داخل المنزل إذ تقول: «أي حاجة تضر صوتها كانت بتمنعها وهي كانت بتسألني لو شربت كذا ممكن يفيدني ولا لأ وكانت بتحاول تلتزم بأقل التفاصيل». وحين جاءت لحظة الوقوف أمام الرئيس السيسي، تنقل الأم ما قالته ابنتها: «كنت متوترة أوي يا ماما في الأول، وبعد كده لما لقيت الرئيس بيضحك فرحت وغنيت حلو، علشان كنت حاسة إنه مبسوط بينا».وبعد انتهاء العرض، تصف الأم شعور طفلتها: «كانوا فرحانين أوي وعمالين يشاوروا للرئيس ويعملوا له باي، وفرحوا جدًا إنه قالهم إنتوا أحلى حاجة في الدنيا». ومنذ ذلك اليوم لا تكف ديما عن ترديد الجملة: «طول الوقت بتقولي الرئيس السيسي قالي إنتي أحلى حاجة، خدي بالك مني». وتضيف أنها حكت لها أن الرئيس «كان بيضحك معانا كأنه بابانا».وعن المستقبل: «حلم ديما في الحقيقة إنها تعمل اللي بتحبه، ونفسها تكمل في المسرح وتكون voice actor».