«درويش».. خريج تجارة ويصنع ماكينة لتقطيع الأحجار الكريمة

فى طفولته كان يفك الألعاب ولا يعيد تركيبها لكن والده رأى فيه شيئًا آخر، قال له: «ليه متفكهاش وتركبها تانى وتعرف اللى جواها إيه وبتتحرك إزاى وتقدر تعمل واحدة زيها كمان» ومن هذه الجملة بدأت رحلة أحمد درويش، الذى درس الإلكترونيات منذ كان فى الثانية عشرة، وانتهى به الطريق إلى صناعة ماكينة لتشكيل الأحجار الكريمة.يروى «درويش»، خريج كلية التجارة جامعة القاهرة، لـ«المصرى اليوم» كيف قادته المكونات الإلكترونية إلى مادتها الخام: «أنا أول ما دخلت المجال لقيت إن المهنيين فى الحسين وخان الخليلى والغورية موجودين فى القاهرة بس، والحرفيين هنا فى مصر بدائيين جدًا، المهنة بدائية جدًا جدًا، وحجم إنتاجنا ضعيف مقارنة باحتياجات السوق، ولا يمتلكون ماكينات حديثة».وحكى عن لحظة اصطدامه بسعر ماكينة تشكيل الأحجار الكريمة، وهى الماكينة التى تقطع الحجر وتصقله بزوايا دقيقة ليصبح جاهزًا للتركيب فى الخواتم والسلاسل: «لما جيت أستوردها من بره مصر لقيت سعرها حوالى ٧٢ ألف جنيه، ده غير الشحن والجمارك، فالموضوع كان صعب جدًا بالنسبالى ومكلف.. ابتديت أدور على رسومات الماكينة ومواصفاتها الفنية على النت، وحتى مبدأ الهندسة العكسية مكنش هينفع لأن الماكينة مش قصادى.. خدت منى وقت كبير حوالى ٦ شهور علشان أعمل أول ذراع تشكيل، وده كان فى ٢٠١٩».وتوقف «درويش» لفترة بسبب وفاة والده لكنه واصل العمل حتى طور الماكينة بمزايا إضافية: «تواصلت مع ناس بالخارج وساعدونى أتعلم أساسيات والحمد لله ابتديت أشتغل عليها وأطلع منها شغل، وبعد كده قدرت أطورها لماكينة…