شن الإعلامي أحمد موسى هجوما حادا على أداء منتخب مصر أمام مالاوي، رغم الاستحواذ الكبير خلال المباراة، مؤكدا أن المنتخب ظهر بمستوى متواضع وافتقد الروح والتركيز والفاعلية الهجومية.
وقال "موسى"، خلال تقديم برنامج «على مسئوليتي» المذاع على قناة «صدى البلد»، إن منتخب مالاوي منتخب بسيط، لكنه شعر وكأنه يرتدي زي المنتخب البرازيلي، بسبب المستوى السيئ الذي ظهر به المنتخب المصري.
وأضاف: «إحنا عندنا دفاع مفتوح، أول ما الكرة تيجي نحط إيدينا على قلبنا عشان هنتجاب جول، وده مش عشان هما حلوين، إحنا كنا سيئين جدا، مفيش روح، مفيش لعيبة، والمدرب علي ماهر اتأخر أوي في التغيير».
وتابع: «إبراهيم عادل لما نزل كان فيه شكل للمنتخب، للأسف دي أسوأ فترة لعمر مرموش، نسي إن الكورة معناها إنه يسجل هدف، والكرة والجول قدامه. تريزيجيه لو عنده أبجديات كرة القدم هيسجل جول، أسوأ تصرف لتريزيجيه، الجول قدامه، أبجديات الكورة إنه يسجلها، وصلاح جنبه على يمينه، إديها لصلاح يسجلها».
وأوضح: «إحنا الماتش ده كان ممكن نخسره بهدف أو اتنين، إحنا مستحوذين فوق الـ75%، بس استحواذ سلبي، يا فرحتي نستحوذ ومفيش أهداف، والدفاع بتاعنا سرحان، ولاشين وهاني كانوا وحشين جدًا، والمنتخب النهارده عليه علامات استفهام، الكويس النهارده كان شوبير».
وانتقد أحمد موسى أرضية الملعب، قائلا: «أرضية الملعب ده ملعب دورة رمضانية، مش ملعب يتلعب عليه ماتش تصفيات، ستر ربنا النهارده إن محدش اتعور، الخوف على رجل صلاح النهارده، واللي ماسك صلاح كل شوية بيضرب صلاح في رجليه، والحكم مش بيحكم كرة قدم».
وأضاف: «إحنا ضيعنا أهداف كتير، ذاكرة التسجيل عند مرموش وتريزيجيه ضاعت، والملعب لا يستحق إنه يتلعب عليه، لكن هنعمل إيه، لازم نتعامل مع الملعب».
واختتم: «إحنا كنا هنتغلب، والماتش في إيدينا، كان ممكن نسجل أكتر من كده، ولا مبرر إن الملعب وحش، إحنا كنا وحشين وضيعنا أهداف كتير، الماتش سيئ، ومش ده المنتخب اللي كنا قاعدين نهتف ليه يوم السبت، قمة العبث النهارده بصراحة».
وقال "موسى"، خلال تقديم برنامج «على مسئوليتي» المذاع على قناة «صدى البلد»، إن منتخب مالاوي منتخب بسيط، لكنه شعر وكأنه يرتدي زي المنتخب البرازيلي، بسبب المستوى السيئ الذي ظهر به المنتخب المصري.
وأضاف: «إحنا عندنا دفاع مفتوح، أول ما الكرة تيجي نحط إيدينا على قلبنا عشان هنتجاب جول، وده مش عشان هما حلوين، إحنا كنا سيئين جدا، مفيش روح، مفيش لعيبة، والمدرب علي ماهر اتأخر أوي في التغيير».
وتابع: «إبراهيم عادل لما نزل كان فيه شكل للمنتخب، للأسف دي أسوأ فترة لعمر مرموش، نسي إن الكورة معناها إنه يسجل هدف، والكرة والجول قدامه. تريزيجيه لو عنده أبجديات كرة القدم هيسجل جول، أسوأ تصرف لتريزيجيه، الجول قدامه، أبجديات الكورة إنه يسجلها، وصلاح جنبه على يمينه، إديها لصلاح يسجلها».
وأوضح: «إحنا الماتش ده كان ممكن نخسره بهدف أو اتنين، إحنا مستحوذين فوق الـ75%، بس استحواذ سلبي، يا فرحتي نستحوذ ومفيش أهداف، والدفاع بتاعنا سرحان، ولاشين وهاني كانوا وحشين جدًا، والمنتخب النهارده عليه علامات استفهام، الكويس النهارده كان شوبير».
وانتقد أحمد موسى أرضية الملعب، قائلا: «أرضية الملعب ده ملعب دورة رمضانية، مش ملعب يتلعب عليه ماتش تصفيات، ستر ربنا النهارده إن محدش اتعور، الخوف على رجل صلاح النهارده، واللي ماسك صلاح كل شوية بيضرب صلاح في رجليه، والحكم مش بيحكم كرة قدم».
وأضاف: «إحنا ضيعنا أهداف كتير، ذاكرة التسجيل عند مرموش وتريزيجيه ضاعت، والملعب لا يستحق إنه يتلعب عليه، لكن هنعمل إيه، لازم نتعامل مع الملعب».
واختتم: «إحنا كنا هنتغلب، والماتش في إيدينا، كان ممكن نسجل أكتر من كده، ولا مبرر إن الملعب وحش، إحنا كنا وحشين وضيعنا أهداف كتير، الماتش سيئ، ومش ده المنتخب اللي كنا قاعدين نهتف ليه يوم السبت، قمة العبث النهارده بصراحة».










