عفاف شعيب فى ذكرى أحمد زكى: سناء يونس هى اللى قدمتله فى معهد الفنون المسرحية

  • منذ 37 دقيقة
  • اليوم السابع
  • حاوره عمرو صحصاح
Loading image...
كشفت الفنانة الكبيرة عفاف شعيب عن كواليس وذكريات في حياة الفنان الكبير الراحل أحمد زكى، وذلك فى ذكرى ميلاده التى حلت أمس الأربعاء 18 نوفمبر، حيث أكدت أن من ساعده للتقديم بالمعهد العالى للفنون المسرحية هي الفنانة سناء يونس.
وقالت شعيب في مداخلة هاتفية لتيلفزيون اليوم السابع: "الله يرحمه أحمد زكي كان جه وقدم فى معهد الفنون المسرحية، واللي قدمت له الله يرحمها ويحسن إليها سناء يونس، لأن اشتغلنا مع بعض كتير أوى فى بداية حياتى أعمال زى "قلوبنا" و"أفواه وأرانب" ومسلسلات كتيرة وسهرات تلفزيونية، فكانت بتحكي لى، حتى أنا سألته مرة السؤال قلت له: "أحمد مين اللي قدم لك أو قال لك على فكرة المعهد؟" قال لى: "الله يكرمها سناء يونس".
وأضافت شعيب قائلة: "سناء يونس ساعدته اللي قالت له: "يا ابني تعالى وأنا هقدم لك"، وساعدته فعلاً ووصلته لغاية المعهد.. ما كانش يعرف حتى مكانه إن هو جاى من الزقازيق، جاى من الأرياف وشاب بسيط، وطبعا حياة الأرياف مختلفة عن القاهرة والمدنية وكدة، فطبعاً وصفت له العنوان".
وتابعت شعيب حديثها لتليفزيون اليوم السابع قائلة: " أحمد قدم أول سنة سقط، تاني سنة سقط، تالت سنة سقط، رابع سنة سقط، خامس سنة نجح... نجح بقى فى السنة الخامسة بقى، السنة الرابعة اللي سقط فيها كان قاعد على سلم المعهد قعد يعيط عياط جامد أوى، وحتى يشهد على كدة الفنان الكبير أحمد ماهر، لأن برضه كان أحمد كان دفعتنا وكده وعارف التفاصيل دي كلها، يعني الكلام ده هو هيُصادق على كلامى، فجه الدكتور علي فهمي قال له: "مالك يا ابني بتعيط ليه؟" قال له: "أنا كل سنة بقدم وبسقط"، قال له: "طب أوعدك السنة اللي جاية وهقبلك على طول"، قال له: "بجد؟" قال له: "آه"، فرح يا عيني الولد وعلى أمل بقى إن هو ييجي وكده، وقدم فعلاً في المعهد، وإن شاء ربك سبحانه وتعالى إن هو يكون فى الدفعة بتاعتى.

شخصيات