رشا مهدي عن مهرجان القاهرة السينمائي: «شكرًا على المجهود المبذول» (فيديو)

  • منذ ساعة
  • المصرى اليوم
  • منى صقر
Loading image...
تحدثت الفنانة رشا مهدي عن الأفلام التي تفضل مشاهدتها، والأعمال السينمائية التي تتمنى ترميمها، كما أشادت بالمجهود المبذول في تنظيم أحد المهرجانات السينمائية، وذلك خلال تصريحاتها لـ«راديو النيل».وقالت رشا مهدي عن الأفلام التي تحب مشاهدتها والأعمال التي تتمنى ترميمها: «أنا السنة دي الحمد لله هما رمموا عدد كبير جدًا من الأفلام المميزة والأفلام اللي أنا بحبها ومهمة جداً في تاريخ السينما، بس يعني ممكن أرمم إيه؟ أنا بحب فترة الأربعينات والخمسينات والستينات في الأفلام، يعني (مراتي مدير عام)، (الزوجة 13)، إيه تاني؟ أفلام كلها، أنا بحب شادية، بحب شادية أوي أوي أوي يعني».وأضافت عن طبيعة الأفلام التي تشاهدها: «والله أوقات بتفرج على فيلم جديد ما شفتوش خالص علشان يبقى يعني اكتشاف، وفي أوقات ببقى حاسة إن أنا محتاجة أتفرج على حاجة بحبها وشفتها قبل كده. فيا حاجة برضه لنجوم أنا بحبهم، أحمد زكي مثلاً، وآل باتشينو، حاجات كده يعني حسب يعني».ووجهت رشا مهدي رسالة للقائمين على المهرجان، قائلة: «هقوله بجد مبروك على المهرجان الكبير وعلى العمل العظيم اللي اتعمل في خلال العشر أيام، حقيقي مجهود يعني يحترم ومجهود يعني فيه تعب كده وفيه على التفاصيل والتنظيم، ميرسي على التنظيم الجيد، الأفلام اللي اخترتوها، التكريمات، لا المجهود المبذول خطير وألف مبروك ودايمًا من نجاح لنجاح».