مصور فيديو سقوط فتاة أسفل قطار بركة السبع بالمنوفية: اعتبرتها زي بنتي وكنت خايف عليها| خاص

  • منذ 40 دقيقة
  • القاهرة 24
  • كتبه/صححه: فريق العمل
Loading image...
كشف عبد المنعم كمال مصور فيديو سقوط فتاة أسفل القطار بالمنوفية تفاصيل جديدة عن الواقعة التي أثارت حالة واسعة من الإعجاب والفخر بالموقف البطولي بعد أن حاول طمأنتها وتهدئتها وهي أسفل عجلات القطار مرددًا: “مترفعيش رأسك ومتخافيش فاضل خلاص عربيتين”.مصور فيديو سقوط فتاة أسفل قطار بركة السبع بالمنوفية يكشف تفاصيل جديدة عن الواقعة

وقال عبد المنعم كمال مصور الفيديو في تصريحات خاصة لـ القاهرة 24: كنت واقف في المحطة ماسك تليفوني وببعت شغلي على الواتساب وفجأة سمعت صوت سقوط شخص على الأرض بصيت لقيت واحدة مرمية على الأرض.

وأضاف: لما بصيت ولقيتها واقعة تحت القطار اعتبرتها زي بنتي ولقيتها في مكان آمن قولتلها خليكي مكانك اثبتي، وفضلت اطمنها وأحاول أهديها عشان لقدر الله ميحصلهاش حاجة، وعرفت من الناس إنها كانت رايحة امتحان ومتأخرة عليه مضيفًا: اللي عرفته من الناس القطار كان بيتحرك وهي حاولت تركب فرجليها انزلقت ووقعت وأي حد في مكاني كان هيعمل كده وأنا معرفهاش، وواجب عليا إني أعمل كده.

ووجه عبد المنعم كمال رسالة عبر القاهرة 24: لو سمحتم وأنتم بتركبوا القطار خلوا بالكم لأن فيه مسافة بين الرصيف وباب القطار ممكن توقع أي حد من القطار زي ما حصل مع البنت دي حتى لو مستعجل حتى لو مش هتروح شغل خالص متركبش قطار بعد ما يتحرك من الرصيف كل واحد يفكر في نفسه ويفكر في أهل بيته.

مشهد يحبس الأنفاس.. العناية الإلهية تنقذ فتاة من الموت سقطت أسفل القطار في المنوفية

مصور فيديو سقوط فتاة أسفل قطار بركة السبع بالمنوفية لـ«القاهرة 24»: فضلت أطمنها لحد ما القطار عدى