اجتماع حاسم اليوم.. مفاجأة في مصير البطاقة الحمراء لمحمد هاني (تفاصيل)

يسيطر الغموض على مصير مدافع الأهلي محمد هاني من الإيقاف بعد البطاقة الحمراء التي حصل عليها خلال مباراة الفريق الأحمر الأخيرة في الدوري والتي انتهت بفوز الأهلي 4-1.

كان محمد هاني قد تعرض للطرد في الدقائق الأخيرة من عمر المباراة بعد جدال بينه وبين الحكم محمد معروف.

وقال أحمد شوبير في تصريحات إذاعية اليوم الإثنين: «لجنة الحكام هتجتمع اليوم الساعة 3 من أجل الاستماع إلى التسجيل الصوتي لما حدث بين محمد هاني ومحمد معروف الأزمة اللي شغالين فيها دولقتي».

وتابع أحمد شوبير: «عرفت إمبارح بالليل من اتصالاتي إن القصة سوف تحسمها التسجيلات الصوتية، ومصدر قال لي إن أزمة معروف ومحمد هاني قصة بسيطة جدا، يا عم إحنا عندنا تسجيل صوتي كل حاجة فيه متسجلة كلام معروف وكلام محمد هاني، زمان كان تقرير الحكم وبس إنما دلوقتي فيه تسجيل مفصل لكل شيء، هنشوف الحوار وهنشوف القصة وهنعرف كل واحد قال أيه».

وأنتقد شوبير المغالطات والشائعات في هذه الأزمة قائلًا: «البعض يقول لك أصل محمد هاني لما طلع الأوضة قال لمحمد معروف مش عارف أيه، طيب هيوصل لمحمد معروف ازاي بعد الماتش، عموما طالما فيه تسجيلات خلاص والميه تكدب الغطاس».

وفجّر شوبير مفاجأة صادمة مضيفًا: «طيب هل ممكن تشيل الكارت الأحمر بتاع هاني؟، لأ لإن ده مش موجود عندنا ده بيحصل في أوروبا والدول المتقدمة بس، في النهاية هنسمع التسجيل ونعرف القصة شكلها أيه وعامل إزاي».