«ليه دايمًا بتدي أعذار؟».. أحمد فتحي يفاجئ خالد الغندور على الهواء برسالة مثيرة

وجه أحمد فتحي، نجم الأهلي ومنتخب مصر السابق، رسائل نارية إلى خالد الغندور، نجم الزمالك السابق، بسبب تصريحاته بشأن مباراة القطبين، في نهائي السوبر.

ويلتقي الأهلي مع الزمالك، في الخامسة والنصف مساء اليوم الأحد، على استاد محمد بن زايد، في نهائي السوبر المصري.

وقال خالد الغندور، في تصريجات تلفزيوينة عبر فضائية «أبوظبي الرياضية»: «الزمالك هيلعب مباراة الأهلي بشخصيته وبالإمكانيات المتاحة للاعبين، في ظل الإصابات الموجودة، أحمد عبدالرؤوف، ممكن يوظف لعيبة مش موجودة».

وعلق أحمد فتحي، قائلًا: «هو ليه في أعذار دايمًا؟! ليه دايمًا أعذار كتير قبل الماتش؟ ده نادي الزمالك، كُتر ما إنت بتدي أعذار يبقى عندك مشكلة، في 10 لاعبين هيلعبوا، مش تقول أنا عندي إصابات»

وأضاف: «المدرب ميديش أعذار ولا اللاعبين يدوا أعذار، ألعب باللعيبة اللي عندك، مش هفضل أقول معنديش إمام عاشور، وسام أبوعلى، مشي، وأبوتريكة، اعتزل، لازم ألعب باللي عندي».

ورد عليه الغندور، قائلًا: «روح ألعب بقى قدام ريال مدريد، وقول هلعب 10 أمام 10، الكورة معطيات وإمكاينات».

وأتم، أحمد فتحي، تصريحاته قائلًا: «متديش أعذار، أنا مبحبش أعذار، وألعب باللعيبة اللي عندك».