«أصحاب الكلب خوفوا مراتي وغدروا بيا».. ضحية جريمة فيصل: «ضربوني بالأسلحة قدام عينيها»

«كنت هطلع من الشارع ده جثة، وابني كان هيتيتم.. فجأة لقيت نفسي بتضرب ضرب موت بسلاح أبيض (كزلك)، وكل ده عشان بقول لشاب ضايق مراتي إزاى تعمل كده معاها؟»، بهذه الكلمات يحكي محمد عماد، سائق، تفاصيل الشروع في قتله على يد شخصين بمنطقة فيصل في الجيزة إذ تلاحقهما أجهزة الأمن عقب تحديد هويتهما.تفاصيل واقعة الاعتداء على سائق فى فيصل بسبب كلب «محمد»، الذي اعتاد أن تمر أيامه بين ورديات العمل وهدوء منزله بحدائق أكتوبر، لم يكن يتوقع أن تتحول زيارته العائلية إلى كابوس، يقول لـ «المصري اليوم»: «طول عمري في حالي، من شغلي لبيتي، عمري ما كنت بتاع مشاكل ولا خناقات، واليوم ده كنت رايح أزور جد مراتي المريض وأعمل الواجب في عزاء قريب لينا.. فجأة لقيت نفسي في قلب دايرة غدر، والسلاح بيلمع قدام عيني والناس اللي المفروض بينا وبينهم قرابة ودم هما اللي بيسحبوا السكاكين عليا». «شهد» زوجة «محمد»، كانت فى طريقها لشراء احتياجات المنزل (بصل وبطاطس) بعدما انتهوا من واجب عزاء وزيارة لجدها المريض، حيث اعترض طريقها شاب يقتنى كلبًا شرسًا، غير مكمم ولا مقيد بسلسلة، وعندما طلبت منه «بأدب» تنحية الكلب لتمر، جاء الرد «وصلة» من السباب والتحرش اللفظى، طالتها وطالت أهلها، رغم محاولتها تذكيره بصلة القرابة البعيدة التى تجمعهما. يضيف «محمد»: «مراتى راحت تشتكى لأم الشاب ده، فلقيتهم داخلين وراها الشارع بكلب.. أنا لما نزلت أدور عليها، لقيت اللمة والدوشة، ولقيت أبو الشاب واقف بيدافع عن ابنه، بدل ما يقولى حقك عليا وإحنا ولاد بلد». https://www.facebook.com/AlmasryAlyoum/videos/%D8%B6%D8%AD%D9%8A%D8%A9-%D9%88%D8%A7%D9%82%D8%B9%D8%A9-%D9%81%D9%8A%D8%B5%D9%84-%D9%8A%D9%83%D8%B4%D9%81-%D8%AA%D9%81%D8%A7%D8%B5%D9%8A%D9%84-%D9%84%D8%AD%D8%B8%D8%A7%D8%AA-%D8%A7%D9%84%D8%B1%D8%B9%D9%80%D9%80%D8%A8-%D9%85%D8%B1%D8%A7%D8%AA%D9%8A-%D8%AC%D8%B1%D9%8A%D8%AA-%D8%AA%D8%B5%D9%80%D9%80%D8%B1%D8%AE-%D9%88%D8%A3%D9%86%D8%A7-%D8%AD%D8%A7%D9%88%D9%84%D8%AA-%D8%A3%D9%87%D8%AF%D9%8A%D9%87%D9%85-%D8%B7%D9%84/932428306061736/قصة ضحية الدفاع عن زوجته فى الجيزة لم ينتهِ الأمر عند المشادة الكلامية؛ فجأة تحول العتاب إلى هجوم مسلح، يصف «محمد» لحظات «ضرب الموت» فى منتصف الشارع: «الشاب صاحب الكلب كان بيعدى الكزلك من قدام بطنى، وواحد صاحبه نازل فى وشى ضرب بونيات، وأنا برجع لورا فى نص الشارع لحد ما دمى نزل منى وبقى مغرق هدومى ومغطى الأرض.. فى اللحظة دى أنا شفت الموت حقيقة، وكنت حاسس إن كل ثانية بتعدى هى الأخيرة فى عمرى، وإنى هطلع من الشارع ده جثة». اقرأ أيضًا: «الرصاصة اخترقت رأسها».. والد ضحية «عريس البراجيل» يكشف تفاصيل صادمة: «الجيران اكتفوا بالمشاهدة» وعلى وقع الضربات المتتالية، وجه المعتدى ضربة نحو الرأس، تصدى لها «محمد» بذراعه: «لما لقيت السلاح نازل بكل قوته على دماغى، رفعت إيدى غريزيًا عشان أحمى راسى، وهنا كانت الضربة اللى بهدلتنى، الكزلك كان حامى لدرجة إنه كسر عضم الدراع وقطع الأوتار فى ثانية، وحسيت بصوابعى مابقتش بتتحرك تمامًا.. الوجع مكنش فى الجرح بس». أسفر الاعتداء عن كسر مضاعف فى عظمة الساعد استلزم تركيب شرائح ومسامير، وقطع فى أوتار وأوردة الأصابع، بالإضافة إلى إصابة حادة فى الأنف والعين اليمنى، «الضرب ماكنش تهويش، ده كان ضرب موت»، يؤكد «محمد» وهو يعرض الأشعات التى توضح تفتت العظام. رغم أن المتهمين لم يتم القبض عليهما حتى لحظة حديثه، إلا أن «محمد» يتمسك بالأمل فى «دولة القانون»، قائلاً: «المباحث كلمونى وبيطمنونى إن حقى مش هيضيع.. أنا مابطلبش غير حقى، أنا راجل فى حالى من شغلى لبيتي». أهم القصص: نيران «يوم الإجازة» تلتهم ورش ومخازن الشرابية.. «معايشة» من قلب الرماد والخسائر «فى اللحظة اللى شفت فيها الكازلك نازل على (محمد)، الدنيا اسودت فى عينى ومبقتش شايفة غير جوزى اللى كان ممكن يضيع فى ثانية»، تحكى «شهد» لـ «المصرى اليوم»، والصدمة لا تزال تسيطر على صوتها، «(محمد) مش بس جوزى، ده سندى والعائل الوحيد لينا، وتعب وشقى سنين عشان يبنى لنا حياة كريمة من عرق جبينه، لما وقف يدافع عنى، كان بيدافع عن كرامتنا اللى استباحوها بس عشان طلبت يلموا الكلب من…