«بتحلوا أزماتكم ببيع اللاعيبة».. أسامة نبيه يفتح النار على مجلس الزمالك بسبب مستقبل فتوح

شن أسامة نبيه، نجم نادي الزمالك السابق، هجومًا ناريًا على مجلس إدارة نادي الزمالك برئاسة حسين لبيب، بسب موقفهم من بيع أحمد فتوح لاعب الفريق الأول لكرة لقدم.وقال نبيه في تصريحاته لبرنامج «الكورة مع فايق» المذاع على «إم بي سي مصر 2»: «قولنا من قبل إن بيزيرا ضغط علينا ولوى دراعنا، وبسبب ده قولنا إن هييجي كل يوم لاعب يقول عندي عرض وعايز يمشي».وأضاف: «فتوح فاضل سنة في عقده، ولكن هل معنى إننا مش عارفين نجددله فنبيعه؟، أكيد لأ، إحنا بقينا نحل مشاكلنا بلاعبيتنا الموجودة، السنة دي آخر سنة للمجلس، وهو عايز يسدد كل المديونيات اللي على فرقة الكرة، وهيفضل يبيع من اللاعبين ويصدر فكرة إن اللاعب ده آخر سنة ليه وإن أنا لازم أبيعه عشان أستفاد منه بس الجمهور مبيتقبلش الكلام ده».وتابع: «لو معندكش حلول حافظ على اللاعبين سواء كان المحترفين أو أبناء النادي، ولكن ده محصلش وياريتك صارف ومكلف على القطاع اللي بيطلعلك لاعيبة، لا بالعكس قطاع الناشئين في نادي الزمالك عندهم مشاكل كتير».واختتم نبيه حديثه بالتأكيد على أن عرض فتوح وصل إلى مليون دولار مع تبقي عام في عقده مع الزمالك، وهو ما قد يدفع اللاعب للتفاوض مع إدارة النادي بشأن تجديد تعاقده وزيادة المقابل المادي.أسامة نبيه: السنة الحالية هي الأخيرة لمجلس إدارة الزمالك عشان كده عايز يسدد مديونات الكرة (عشان كده بيبيع نجوم الفريق)مجاناً على MBC شاهدبرنامج #الكورة_مع_فايق يعرض من الجمعة - الثلاثاء الساعة 11:00 مساءً بتوقيت القاهرة على #MBCMASR2لمتابعة البث المباشرhttps://t.co/56RlxhjPYG pic.twitter.com/idUV715Yg1— الكورة مع فايق (@ElKoraMa3Fayek) September 29, 2026