«لما يقول عايز يرجع لازم نفتحله الباب».. شيكابالا يطالب مجلس لبيب بإعادة نجم الزمالك

وجه محمود عبدالرازق «شيكابالا»، نجم نادي الزمالك السابق، رسالة إلى مسؤولي القلعة البيضاء، بشأن عودة طارق حامد إلى الفريق مرة أخرى.

وقال «شيكابالا» في تصريحات خلال برنامج «الكورة مع فايق» على «إم بي سي مصر 2»: «سمعت إن طارق حامد عايز يجي ينهي حياته في نادي الزمالك. لما طارق حامد يقول عايز يرجع الزمالك يبقى نفتحله بوابة نادي الزمالك».

وأضاف: «في لاعيبة تستحق إننا نعمل عشانها أي استثناءات منها طارق حامد، طارق هيكون مهمة جدا في أوضة اللبس ومهم جدا في الملعب».

وأتم: «طارق حامد لاعب مخلص بطريقة لا توصف، وحتى لو هيجي يلعب 6 شهور ويبطل، هيسلم حد من اللاعبين الشباب، والناس هتشوفه بيعمل إيه في التمرين ويتعلموا منه ومن التزامه وتنظيمه».