وجه محمد أبوالعلا، مقدم برنامج «زملكاوي» عبر قناة نادي الزمالك، انتقادات قوية لنجم النادي الأهلي، أحمد مصطفى «زيزو»، بعد تجاهله مصافحة هشام نصر، نائب رئيس القلعة البيضاء، خلال مراسم التتويج بالسوبر المصري.
وقال محمد أبوالعلا في تصريحاته عبر قناة نادي الزمالك: «النهارده للأسف كان في تصرف سلبي على منصة التتويج، لما لاعيبة الأهلي طلعوا يستلموا الميداليات، زيزو اتصرف بطريقة غريبة أثناء استلامه الميدالية، وكان واضح إنه تجاهل المهندس هشام نصر، رئيس بعثة الزمالك ونائب رئيس النادي، رغم وجوده في الصف الرسمي لتسليم الميداليات»
وأضاف: «المفروض إن الناس اللي بتكون في الصف ده بتسلم الميداليات بشكل رسمي وشرفي، وممثلين عن الناديين، لكن اللي حصل من زيزو كان تصرف غريب ومش في مكانه، خصوصًا في مناسبة زي دي قدام الكاميرات والعالم كله».
وتابع: «اللي لازم يتقال إن زيزو الفضل الكبير في اللي وصله ليه يرجع لنادي الزمالك، من أول ما محدش كان يعرفه لحد ما بقى نجم الدوري وأفضل لاعب في أفريقيا، كل ده لأنه كان لابس تيشيرت الزمالك».
وواصل: «المشهد ده اتشاف في دولة تانية (الإمارات) قدام مسؤولين كبار زي وزير الشباب والرياضة الدكتور أشرف صبحي وممثلي اتحاد الكرة، والمهندس هاني أبوريدة وكان لازم يبقى التصرف راقٍ ومحترم».
وأردف: «سبق وشوفنا مواقف زي دي اتعاقب فيها لعيبة الزمالك، زي شيكابالا لما اتوقف بسبب أنه احتفل بالدوري، ودونجا لما اتوقف في بطوله بعينها بشكل قريب، لكن لما يبقى التصرف من لاعب تاني، الدنيا تسكت، وده بيخلينا نسأل عن المعيار المزدوج في العقوبات».
وأضاف: «الرسالة لزيزو واضحة: متنكرش أصحاب الفضل عليك، من غير نادي الزمالك ماكنش حد هيعرفك ولا كنت هتقدر تطلب الأرقام اللي بتطلبها النهارده. اللي عملك اسم وسعر هو جمهور الزمالك وتيشيرت الزمالك، اللي خلاك تلعب بطولات وتتحط في مكانة كبيرة، فمش من الطبيعي تنكر الجميل».
وأتم: «لازم أي حد ينكر الجميل يراجع نفسه ويشوف هو جه منين، لأن الأصل مهم جدًا. المشكلة كمان إن في لوائح ساعات بتحمي وساعات بتتغاضى، وللأسف ده بيخلينا نحس إن العدالة مش بتتطبق على الكل. لحد دلوقتي شكوى الزمالك ضد زيزو متبتش فيها ولو كانت العكس كانت الإيقافات نزلت فورًا، وده دليل على التفاوت في تطبيق القانون.
وقال محمد أبوالعلا في تصريحاته عبر قناة نادي الزمالك: «النهارده للأسف كان في تصرف سلبي على منصة التتويج، لما لاعيبة الأهلي طلعوا يستلموا الميداليات، زيزو اتصرف بطريقة غريبة أثناء استلامه الميدالية، وكان واضح إنه تجاهل المهندس هشام نصر، رئيس بعثة الزمالك ونائب رئيس النادي، رغم وجوده في الصف الرسمي لتسليم الميداليات»
وأضاف: «المفروض إن الناس اللي بتكون في الصف ده بتسلم الميداليات بشكل رسمي وشرفي، وممثلين عن الناديين، لكن اللي حصل من زيزو كان تصرف غريب ومش في مكانه، خصوصًا في مناسبة زي دي قدام الكاميرات والعالم كله».
وتابع: «اللي لازم يتقال إن زيزو الفضل الكبير في اللي وصله ليه يرجع لنادي الزمالك، من أول ما محدش كان يعرفه لحد ما بقى نجم الدوري وأفضل لاعب في أفريقيا، كل ده لأنه كان لابس تيشيرت الزمالك».
وواصل: «المشهد ده اتشاف في دولة تانية (الإمارات) قدام مسؤولين كبار زي وزير الشباب والرياضة الدكتور أشرف صبحي وممثلي اتحاد الكرة، والمهندس هاني أبوريدة وكان لازم يبقى التصرف راقٍ ومحترم».
وأردف: «سبق وشوفنا مواقف زي دي اتعاقب فيها لعيبة الزمالك، زي شيكابالا لما اتوقف بسبب أنه احتفل بالدوري، ودونجا لما اتوقف في بطوله بعينها بشكل قريب، لكن لما يبقى التصرف من لاعب تاني، الدنيا تسكت، وده بيخلينا نسأل عن المعيار المزدوج في العقوبات».
وأضاف: «الرسالة لزيزو واضحة: متنكرش أصحاب الفضل عليك، من غير نادي الزمالك ماكنش حد هيعرفك ولا كنت هتقدر تطلب الأرقام اللي بتطلبها النهارده. اللي عملك اسم وسعر هو جمهور الزمالك وتيشيرت الزمالك، اللي خلاك تلعب بطولات وتتحط في مكانة كبيرة، فمش من الطبيعي تنكر الجميل».
وأتم: «لازم أي حد ينكر الجميل يراجع نفسه ويشوف هو جه منين، لأن الأصل مهم جدًا. المشكلة كمان إن في لوائح ساعات بتحمي وساعات بتتغاضى، وللأسف ده بيخلينا نحس إن العدالة مش بتتطبق على الكل. لحد دلوقتي شكوى الزمالك ضد زيزو متبتش فيها ولو كانت العكس كانت الإيقافات نزلت فورًا، وده دليل على التفاوت في تطبيق القانون.
