«ملوش وصف.. بيخسر من ناس بتوع زبدة».. أحمد بلال يفتح النار على أسامة نبيه (فيديو)

هاجم أحمد بلال نجم النادي الأهلي السابق، أسامة نبيه المدير الفني لـ منتخب مصر للشباب، بعد التعثرات المتتالية في بطولة كأس العالم للشباب 2025.

وخسر منتخب الشباب في الجولة الأولى من اليابان 2-0، وفي الجولة الثانية خسر الفراعنة الشباب من نيوزيلندا بنتيجة 2-1 ليتذيل ترتيب المجموعة الأول بدون رصيد من النقاط.

وقال أحمد بلال في تصريح تليفزيوني عبر شاشة النهار: «كابتن أسامة نبيه أنا مش لاقيله وصف الصراحة، كان ليه تصريح كارثي بعد مباراة اليابان وقال إنه راضي عن النتيجة والأداء، بعدها قولنا خلاص بقى نكسب نيوزيلندا خصم سهل لكن المفاجأة إننا خسرنا منه بأداء سيء للغاية».

وأضاف: «شوفوا منتخب المغرب عمل إية، كسب أسبانيا بطل أوروبا والبرازيل بطل أمريكا الجنوبية، وإحنا نخسر من نيوزيلندا اللي هو أحسن ناس بيعملوا زبدة وجبنة».

وتابع: «منتخب الشباب ده اللي مفروض يبقى منتخب مصر الأول كمان 4 سنين، إنما ده منتخب أبيض ولا شوفنا فرص ولا هجمات ولا تكتيك، وأداء كارثي».

وأتم أحمد بلال تصريحاته قائلًا: «لازم يكون في نظرة تانية لتعيين مدربين المنتخبات، اللي بيحصل ده عيب وميصحش، ولازم نبص على جيرنا اللي هما المغرب».